<\head>


 



Mafiya yawan lokuta mutane kan siyi shirt coins ne saboda ganin gara ba sar sa, ko kuma saboda son banza. Domin da abinda bai kai $10 ba mutum zai Iya mallakar tiriliyoyi na wannan silallan, hakan shine yake rudar mutane da yawa, domin wai a irin tunaninsu shine, wadannan sulallar ko da ace darajar su kobo kawai takai tofa su sunyi fita da fitarsu. Ga duk mai irin wannan tunanin to tabbas ta tabbata gareshi baisan harkar kasuwancin Crypto ba, abunda ya kamace shi shine ya dannan wannan rubutun domin ganin matakan da yakamata ace mutum yabi yayin fara ko wane irin kasuwanci, bama wai na online ba.

Inda ace mutane sun san menene shirt coins, sun kuma San tsarinsa, to da dayawa daga cikin mutane baza susa ko da kwandalace ba wajen siyan wadannan silallan, bare kuma har susa wasu daloli kuma harma su sa ran cewa wani zai basu kudi a kas. Bamuce dukkan nin shirt coins ne suka taru suka zama daya ba, amman mafi yawa daga cikin su shirmene da kuma yaudara. Nasan dayawa daga cikin mutane ba lallaine su gaskata wannan maganar tawaba, amman ina fatan izuwa karshen wannan bayanin nawa su samu hujjojin da zasu Iya sa su, su dan gamsu ko dan yayane, ba dan komai ba sai dan susan inda yakamata ace suringa sa kudaden su yayin kasuwancin silallan yanar gizo-gizo (Crypto currency).

Shirt coins ba komai bane ba illa bace wadannan sababbin silallan ne da ake ta kirkirar su a Crypto a duk kwanan duniya, wanda da kudi dan kadan zaka Iya mallakar miliyoyi ko biliyoyin wadannan silallan. Sau da dama idan muka kalli yadda tsarin shirt coin yake, mukan ga yana yi mana kama da caca, domin caca ce kawai ke da wannan siffar da zan sa kudi kai ma kasa sannan wani daban ya kwashesu, ya barmu da lahaula kawai. Watakila in mukaga yadda tsarin shirt coin yake tafiya za mufi gamsuwa d wannan bayanin nawa.

Sanin kanmune da cewa duk wani coin da aka kirkira akwai abunda ake alakantashi da shi wata case use dinsa kenan, wannan case use din nasa shine zai bawa mutane dama suringa siyansa domin amfanin Kansu. Misali, idan mukai duba da bitcoin (BTC) zamuga babban dalilin da yasa aka kirkireshi shine, saukaka wa al'umma wajen kulla kasuwancin su a sassan duniya daban-daban. Domin samun cikakken bayani akan hakan, maza danna wannan rubutun Dan ganin cikakken bayanin.

Bayan case use, akwai abunda muke kira d user ability. Abunda ake nufi da user ability anan shine, idan har an alaqanta coin da wata matsalar mutane, to wace hanya ake da ita da zata sa mutane sukarbi wannan coin din domin kawarwa da Kansu wannan matsalar. Allal misali, idan yazamana cewa yau an kirkiro wani Sabon Coin, sai akace dalilin siyansa shine za aringa shiyan shinkafa da shine. Bil hakika wannan dalilin mai kyau ne, domin muddin dai jama'a suka yarda dacewa zasuringa siyan shinkafa da wannan coin din, to babu makawa zaiyi tsada, domin kuwa kullum sai ansai shinkafa, inkuwa yazamana cewa kullum za'a sai shinkafa, ya zamana cewa kenan kullum za'a sai wannan coin din, in kuwa kullum za'a sai wannan coin din, to kuwa babu makawa zai ringa tashi. Amman ba anan gizo yake sakarba, abun tambaya anan shine, menene tabbacin cewa 'yan kasuwa masu sai da shinkafa zasu yarda suringa karbar wannan coin din a mai makon Kudin zahiri.

Yau da ace manyan kamfanunnuwan shinkafa irin su kamfanin dangwate da makamantansu za suce, duk wanda zai sai shinkafar su da Naira to duk buhu daya za su siyar masa da shi ne akan naira 100. Idan kuma mutum zai siyane da wannan sabon coin din, to za su siyar masa akan naira 90. Adalilin wannan rangwamen naira goman, dayawa daga cikin mutane za su kammaci cewa gwara suringa siya da coin dinnan akan kudin gaske. Wannan dalilin da yasa mutane suka gammaci suringa siyan shinkar da coin akan kudin gaske shi muke kira da user ability.

Mutukardai yazamana cewa 'yan kasuwa zasu ring a karbar wannan coin din amatsayin kudi, to babu shakka duk Wanda yasai wannan coin din bazai asara ba, domin ko ba dade bo bajima wannan coin din zaiyi daraja a idan duniya, ba dan komai ba sai dan kullum sai ansamu masu siyan wannan coin din. Irin wadannan coins din da suke d user ability muke kira ga mutane suringa rikesu domin cin moriyarsu. Amman in yakasance cewa coin baya da wani user ability to kuwa tabbas akwai yiwurar dakonsa mutum kawai zaiyi, domin kuwa babu mai siyan sa barema asa masa ran cewa watakila zai yi daraja anan gaba.

Ga duk Wanda yasan tsarin mafi yawancin shirt coin, zaiga cewa basa da wannan user ability din, kodama ace suna d case use, domin bawai case use dinne mai amfani ba, user ability din sine mafi amfani, domin shine zai daga darajar wannan coin din izuwa har illamasha Allah.

Mafiya yawan lokuta zamuga cewa yawancin shirt coins darajarsu a kasuwa na fara wani irin mugun tashi, wanda hakan shiyake rudar mutane dayawa su siyi wannan coin din da zummar wai koda ace sisi ko kwabo yakai sai suyi fita da fitarsu, daga bisani kuma sai muga wannan coin din yayi muguwar wata karyewa, in ba ai wasaba kuma shikenan wannan coin din baza a qara jin duriyarsaba, wadanda suka ciriba sunci riba, wadanda kuma tarutsa dasu aciki shikenan sai dai kuma wani jikon Amman kudinsu kuwa, ya mula. To wai shin meyasa hakan take kasancewa ne.

Yadda tsarin yake shine, akwai abunda muke kira da liquidity a turance, wato kudin da za'a sawa coin yayin da aka kawoshi kasuwa, wadannan kudaden sune idan mutum yakawo irin wadannan coin din zai siyar za adauka abashi. To duk wani coin din duniya sai ansa masa wadannan kudaden kafin a iya siyansa ko sai dashi, bacin an sanya masa wadannan kudaden to duk kuma wanda yazo yakara sa kudi yasai wannan coin din, to tamkar akan wadancan kudaden ya kara, wato liquidity din coin din. In da $10 ne liquidity din, sai kazo ka sai na $5, to za'a kara $5 dinnan ta ka akan waccen $10, kunga kenan yakoma  $15. Haka zalika kuma in siyarwama kai, to a cikin $15 dinnan za adauka a biyaka.

Yadda tsarin hawa da saukar kowane coin ke kasancewa shine, idan adadin coins din da mutum ya kirkira wato total supply guda dari ne, kuma yanason ya fito a kan $1 duk guda daya, to dolene kowane daya daga cikin darinnan yasa masa $1 daya, kunga kenan in yazamto cewa kowane guda daya daga cikin darin nan zai samasa $1, kenan jimilla ya kama zai sa $100 akan dukkanninsu. Idan mai coin din yai haka shine zamuga cewar kowane coin ya fito a dala dai-dai. Duk lokacin da wani kuma yazo ya sai na $10 to wannan $10 za akaratane akan $100 dinnan, kunga kenan sabon liquidity na wannan coin din ya koma $110. Tunda kuwa liquidity yaqaru, dole kuwa farashi zai canza. Taya farashi zai canza, shine zamuce sabon liquidity a rabashi adadin coins din d suka rage, wannan shine zai bamu sabon farashin wannan coin din. Kunga kenan zamuce $110÷90 wato adadin coins din, tun da wan can da yasai Na $10 anbashi guda goma, sabon farashin din coin dinmu zai kama $1.22, kunga kenan ansamu karin farashi. To haka zalika inda wani zai qara siyan na $20 farashinmu zai kara canzawa izuwa $1.85. To in kun fahimceni da kyau, za kufahimci cewa a duk sa'ilin da aka samu wani ya sai wannan coin din to tabbas farashin wannan coin din sai ya karu, haka zalika da ace wani kuma zai sai da wannan coin din, to fa babu makawa akancewa farashin wannan coin din zaiyi kasa.

Idan har kunfahimci wannan bayanin da kyau, sai muga misalin yadda tsarin kasuwancin shirt coins yake gudana.

Alal misali ace, mukirkiri wani coin mai suna a-mangroup coin akalla guda dubu daya, yazamana cewa wannan coin din namu shirt coin ne, sannan kuma farashin da mukeso yafito akai shine $1, kunga kenan aqalla muna buqatar musa masa liquidity din $1000. To bari muga yadda coin din namu zai kasance daga karshe.

Name

Price

Liquidity

Buy

Sell

New price

Total

No body

$1.0

$1000

No

No

$1.0

1000

Nasir

$200

$1200

Yes

No

$1.50

800

Fatima

$450

$1650

Yes

No

$3.3

500

Nasir

$660

$990

No

Yes

$1.41

700

Abdul

$600

$1590

Yes

No

$5.80

274

Fatima

$1740

-$150

No

Yes

$0

550

 

Idan muka kalli wannan table din inda mukai bayani a cikin sa, zamuga cewa a mataki na farko babu Wanda yasai wannan coin din namu, hakan yasa farashin sa bai canzaba daga $1, wanda kuma liquidity dinsa shima bai wani canzafa domin babu wanda ya siya bare yasiyar.

Amataki na biyu zamuga cewa Nasir yasa $200 domin siyan wannan coin din, hakan yasa liquidity na wannan coin din ya karu da $200, kuma farashin sa ya canza izuwa $1.5, adadin coin din kuma ya koma 800. Amataki na uku zamuga cewa Fatima $450 inda tasamu damar mallakar wannan coin din namu guda 300, wanda hakan ya bawa coin dinmu damar kara farashi izuwa $3.3 saboda karuwar liquidity da muka samu izuwa $1650 bacin fatima ta kara mana $450 na siyayyar da tai mana.

Daman ga duk Wanda yasan tsarin shirt coin, bawai coin ne da ake holding din sa ba, shiyasa ake cewa mutane daga zarar sun siya to kada suyi nisa da kasuwa domin dazar sunga sun danci wata riba, to kawai sufita daga kasuwar. To sai mukaddara cewa Nasir yasan wannan tsarin. Kai kodama ace bai san hakan ba, mutukar dai yana da wayo babu yacce za ai ace Kasai shirt coin a $1 kuma wai har ya kai $3.3 kuma kazuba masa ido kana kallonsa ba. Zamuga cewa idan har Nasir ya dawo da coin dinnan nasa kasuwa a wannan farashin na $3.3 to fa zai samu $660, wanda hakan zai haifar da raguwar liquidity dinmu izuwa $990, farashin coin din kuma zai koma $1.41, adadin coin din kuma zai koma 700 ne.

Amataki nagaba kuma sai Abdul yasa $600 ya sai adadin coin din nan guda 426, wanda hakan yasa yawan coin din ya koma 274, liquidity dinsa kuma ya koma $1590 wanda hakan yasa farashin wannan coin din yakoma $5.80.

A matakin gaba kuma zamuga cewa Fatima ta dawo da coin din ta kasuwa inda ta sai dashi akan $1740, Wanda adadin coin dinmu yanxu yakoma 550 kenan, kuma liquidity din da muke dashi yanxu $-150. To kunga a wannan matakin da muke, babu batun wani liquidity domin bashima ake bin wadannan masu coin din.

Idan muka lura da kyau zamuka cewa asannu a hankali ana shiga kasuwar tamu ana fita za akai matakin da liquidity din coin din namu zai kare, dazarar kuma ya kare shikenan Babu kuma wani Wanda zai Iya Kara siyansa ko sai dashi. Idan mun fahimci wannan misalin zamuga cewa a karshe dai Abdul in bai wasaba, shikenan yayi asarar kudin sa, domin babu liquidity din da za a biyashi kudin sa.

Wani abu da dayawa daga cikin mutane basu sani ba shine, yawancin masu tallan shirt coin, da kuma wadanda suka kirkiri coin din macutane, domin kuwa su masu tallan coin din idan kaduba za kaga kawai kasuwancin su suke bugawa, domin idan har suka siyarma da coin na $10, to insha maka Allahu da za kai yinkurin sai dashi to zakaga ashe bai fi na $3-$4 suka baka ba inmafa yakai din kenan. Su kuwa wadanda suka kirkiri coin din yadda suke nasu zaluncin shine, da fari sukan sa rabin adadin koyin din da suka kirkira, da zarar sunga mutane sun fara tara musu liquidity kawai sai su dawo da ragoqar rabin su kwashe kusan dukka liquidity din da aka tarawa coin. Bamuce dukka aka taru aka zama daya ba, amman dai mafiya yawansu haka suke.

Wannan kusan dai shine iya abinda zamu Iya cewa fahimtarmu kenan game da shirt coin, kuma idan mukai duba na tsanaki zamuga cewa yayi kama da caca kamar dai yadda muka fada a dazu, domin wasu ne suke kwashe kudin wasu su tafi dashi, kamar dai yadda Nasir da Fatima suka kwashe kudin Abdul suka tafi dashi. Muna fatan 'yan uwa da abokan arziki za su fa idantu, su kuma san inda yakamata ace za surinka saka kudaden su, yayin fara kasuwancin yanar silallan gido-gizo (Crypto currency). Mungode.